Lokalitetsleiar Koløy

Send din søknad her

Søknadsfrist:

31. desember 2025

Arbeidssted:

Koløy

Nettside:

https://www.hardingsmolt.no/

Kontakt:

Frode Sandven eller Marthe Knight.

Om Hardingsmolt AS 

Hardingsmolt AS produserer smolt i lukka land- og sjøanlegg, med lokalitetar i Tørvikbygd og Koløy. Selskapet blei etablert i 2006, og har vore tidleg ute med utvikling og drift av lukka sjøanlegg etter å ha fått grøn konsesjon innvilga i 2016. På Koløy har me 24 000 m³ lukka volum i sjø og det er søkt om ytterlegare utviding. Hardingsmolt har 38 tilsette og satsar sterkt på kompetansebygging, mangfald og lokalt ansvar.

Me har ein sterk kultur for læring og utvikling, og jobbar kontinuerleg med å sikre fiskevelferd, effektiv og skånsam matproduksjon, og å møte bransjen sine store utfordringar med lusefri og frisk smolt gjennom ein effektiv produksjon, og bruk av nyaste kunnskap og teknologi. 

Om stillinga 

Me søkjer ein strukturert og engasjert lokalitetsleiar til Koløy. Stillinga rapporterer til produksjonssjef og har ansvar for dagleg drift, arbeidsfordeling og oppfølging av tilsette på lokaliteten. Du vil vere ein nøkkelperson i å sikre effektiv og trygg produksjon, samt bidra til kontinuerleg utvikling av rutinar og prosessar. 

Arbeidsoppgåver

· Planlegging og gjennomføring av daglege og periodiske operasjonar på lokaliteten inkludert mottak og levering av fisk

· Koordinering av arbeid med eksterne leverandørar og servicepartnarar, inkludert oppfølging av service på teknisk utstyr og maskiner

· Sikre at alt arbeid utført på lokaliteten følger gjeldande rutinar for HMS, risikovurdering og internkontroll

· Oppfølging av vedlikehaldssystem og reservedelslager, tilpassa lokal drift

· Dokumentasjon av utførte oppgåver, rapportering og kvalitetssikring av arbeidsprosessar

· Opplæring og oppfølging av tilsette, inkludert timegodkjenning, medarbeidarsamtalar og kompetanseutvikling

· Innkjøp og fakturagodkjenning av mindre driftsmidlar til lokaliteten

· Bidra til oppdatering og utvikling av relevante prosedyrar og internkontrollsystem

· Ansvar for beredskap og sikkerheit ved arbeidsoperasjonar og teknisk vedlikehald

· Delta i dagleg drift og leie faste møter, fordele arbeidsoppgåver og følgje opp at oppgåver vert fullført

· Bistå og støtte andre avdelingsleiarar ved behov

Kvalifikasjonar og eigenskapar

· Relevant utdanning og erfaring frå akvakultur

· Gode leiareigenskapar og evne til å motivere og utvikle medarbeidarar

· Gyldig D6 sertifikat

· Strukturert, løysingsorientert og god på kommunikasjon

· Erfaring med risikovurdering, internkontroll og HMS-arbeid

Me tilbyr

· Ein spennande og variert arbeidskvardag i eit innovativt og framtidsretta miljø

· Moglegheit for fagleg utvikling og påverknad på lokal drift

· Konkurransedyktige vilkår og gode pensjonsordningar

Søknad 

For meir informasjon om stillinga, ta kontakt med Frode Sandven eller Marthe Knight. 

Kortfatta søknad sendast innan 31.12.2025 til: marthe.knight@hardingsmolt.no.

Vil du bidra til vidare utvikling av Hardingsmolt og Koløy? Send oss din søknad!